Trajneri i Kosovës e përcolli këtë ndeshje të Superligës

19:29 | 5 Nëntor 2017
Arbresh.info

Muharrem Sahiti, ushtrues detyre i selektorit të Përfaqësueses së Kosovës ka qenë i pranishëm në duelin ndërmjet Gjilanit dhe Llapit të vlefshëm për javën e 14-të të Vala Superligës, shkruan Gazetasheshi.com.

Në përballjen të cilën e fituan gjilanasit me shifra të pastra 2-0 kanë shkëlqyer futbollsitët Armend Thaçi dhe Betim Haxhimusa.

Dy futbollistët kanë asistuar nga njëherë për Gëzim Rusin, i cili i realizoi dy golat e fitores. Tek llapjanët si zakonisht u veçua Mentor Zhdrella, i cili në pjesën e parë ishte afër golit nga goditja e dënimit, duke e goditur traversën.

Mbetet për t’u parë nëse Sahiti do të ftojë ndonjë futbollistë të Superligës pos ‘gardianëve’ Hajdini dhe Maloku.

Shpërndaje në rrjete sociale

Lajmet më të lexuara

Të ngjashme

Foto lajm